АЙТШЫ ЖАНЫМ.
 
Не болғанын маған айтшы,
Көңілсіздік менде сондай.
Сенде мені түсінсеңші,
Сенсіз өмір сүру қандай.
Жүруші едің көп сөйлемей,
Кездесуге кейде келмей,
Сонда да маған қымбатсың,
Махаббат жоқ маған сендей.

                      Қайырмасы:
Айтшы жаным, тек шыныңды,
Түсінбедім мен сырыңды,
Сұрап сенен өтінерім,
Және арнап өз жырымды.

Мен жоқта біреу сенің
Жүрегіңді жаралаған.
Мен жоқта біреу сенің,
Бар ойыңды мазалаған.
Сеніз өмір сүру маған,
Өте ауыр және қиын.
Бақытыңды тапсаң егер,
Сала алмаймын саған тыйым.

Есіңде ме, сол бір кездер,
Қыдырушы ек, айлы түнде,
Ұмытсам да сол күндерді, 
Ұмытпаймын мәңгі өзіңді
Жерге тастап шын сөзіңді,
Тапсаң егер шын досыңды,
Бақытты бол сүйгеніңмен.
Босатамын мәңгі өзіңді.