Қос жүректің лүпілі

әні:Сәкен Дәрібаев
сөзі:Сайлаубай Тойлыбаев
-1-
Мойынсынбай ауырлық пен жеңілге.
Көп қарайсың отбасыңа , көңілге.
Үмітімді бір Алладан үзбеп ем.
Құдай қосқан жарым болдың өмірде.

Гүл өмірдің сырын ашып сан алуан,
Ұл-қыздарым ақ сүтіңнен нәр алған.
Сен деп білем жанұямның шуағы.
Шаттығым мен бақытыма жаралған.

Қайырмасы:

Өмір жүгін бірге арқалап қаншалық,
Қол ұстасып біз бақытты аңсадық.
Сырын шерткен сыршыл мынау қос жүрек.
Тербеледі махаббаттан ән салып.

Төгілгенде тәтті сезім нұрлы күн.
Біз екуміз бірге тердік қыр гүлін.
Қос аққудай қос жүректің лүпілі,
Жұбын жазбай бірге соғып тұр бүгін.

-2-
Қолдан сіра ұшырады бақты кім
Арайланып өзіңменен атты күн.
Келесің бе жүрегіңмен әкелік.
Шаңырақтың бөлеп мынау шаттығын.

Сыйлар едім ән-жырыммен жақұтты.
Самайдағы санап шаш пен уақытты.
Бір Алладан тілеп келем әрдайым.
Көп көрмесін деу мен біздің бақытты.