НҰРЛЫ АРМАН

Сөзі :Исрайл Сапарбаев

әні: Нұрлан Нұрмаханов

Бір сезім жүректен,

Бүршігін жарғанда.

Тұп-тұнық тілекпен,

Қол создым арманға,

Қол создым саған мен.

Арайлы ақ таңда

Сезімім самалмен,

Сені іздеп жатқанда.

                   Қайырмасы:

Үздіксіз іздегенім ,

Үмітімді үзбегенім ,

Ән болған, жыр болған

Қайдасың нұрлы арман

Әсем бір армандай

Қол бұлғап қырлардан

Жаныма жалғанбай

Жүрмісің нұрлы арман

Кейде сен оранып

Көгілдір сағымға

Кетесің жоғалып

Аңсаған шағымда

Әлде сен күн бедің

Жүзін бұлт жасырған?

Әлде сен гүл ме eдің

Кештетіп ашылған?

Жалынды шағымдай

Жайдары көктемім

Жанымнан табылмай

Жүргенің неткенің?